Khau tin 10h30 saong 14h30 harei 22/9

1/ # Beir harei  21/9, di Trụ sở rajaei di Hà Nội, Phó Thủ tướng Vũ Đức Đam hu dang akaok var ngak bruk ka cổ phần hóa Hãng phim truyện Việt Nam. Phó Thủ tướng brei thau: bruk cổ phần hoá, rami ramik veik dom đơn vị nghệ thuật oh lac  hu makna kinh tế saoh, bruk praong di abih daok pamaong tal lac ngak jeng pren khang jhul pataogk ka ilamu nghệ thuật taneh ia.

2/ Tal biar harei kabroi 21/9, dalam tỉnh Quảng Bình ngan saong 260.000 tuai damuai hu pabak điện veik hadei dom harei lahik điện kayua ribuk ka 10. Hadei tuk ribuk nao tapa, Tổng Công ty Điện lực bhum kreih negar ieu pataom hu labaih 1000 kỹ sư, công nhân điện lực dom tỉnh bhum kreh negar, Công ty lưới điện cao thế gam saong yaok pluh radaih chuyên dụng saong dom vật tư thiết bị, pataom tame pasiam veik jalan điện.

3/ # Uỷ ban Mặt trận negar Việt Nam ban raya Hồ Chí Minh bahrau peih ngak danak dak “Pamong tal bhum palao tasik palei negar” mbang ka 5, thun 2017. Danak dak piah pathau khan, jak ba phun jien iek glang ka gah tapon nyaom bol pan phao krong, bhap bini bhum tapen negar dok khik caga  chủ quyền tasik ginreih di taneh ia , patui ngak bruk  hậu phương quân đội.

4/ 15 thun tapa, bruk ngak di dhar gilang pariak sarak karja tỉnh Đăk Nông oh padeih patagok, phun jien duh ka baoh sang kan kathaot saong dom urang daok dalam sarak karja dak harei dak ralo, bruk patagok yaok thun mek hu labaih 15% patagok abih tih jien brei mesraiy tal urak ini lac 2.147 tỷ đồng.

  5/ # Cà Mau lac labik dang akaok taneh ia  ka taneh raong song sản lượng hadang rong. Drei hadang jeng lac dang akaok kinh tế di tỉnh ni. Min dom thun jiak di ni, bruk rong hadang di labik ni daok dang anak dom kan kandah, kayua langik tasik oh siam, jit ruak, nerak tachuak môi trường.

6/ UBMT negar ban Cần Thơ barau peih bruk rik daong bhap bini bhum kreih negar pasiam veik khat lahik kayua ribuk. Tapa jak ba tuk camereip hu jaik 3 tỷ đồng saong bruk jak ba ini daok dui atah tal harei 30/9 tal.

7/ # Tapon pabui di urang nong tỉnh Tiền Giang hu labaih 600 ribau drei. Jiak di ni, yaom kaom oh tani tanat, nan ye rilo urang rong pabui khat trak. Piah dong ka urang rong pabui hu liba, langiu di bruk salih bahrau dom ilamu kỹ thuật, brei hu pajaih siam, gah ngak nong tỉnh Tiền Giang hu panuac kakei song tacei urang nong pandar dom  mô hình rong pabui tui jalan pambuak gauk, rong tui tanut chuẩn Viet Gap.  Urak ni dalam tỉnh padang hu 29 tổ hợp tác song 3 hợp tác xã rong glang.

Patui di ini dom khau tin dunya:

8/ Gah y tế dunya barau ba tabiak panuac cảnh báo ka bruk kháng jru kháng sinh dalam dunya; ieu dom rajaei saong dom gah công nghiệp y tế samar ba tabiak jalan ngak chip piah samar pasiam veik bruk ini.

 9/ # Ngoại trưởng Đức Xích-ma Ga-bri-en harei kabroi ndom lac, Đức  kham merat piah dong thỏa thuận hạt nhân Iran, kayua bruk oh njauk gauk di thỏa thuận ni ngak medhi  bruk tín nhiệm di dunya.

10/ Dom taneh ia Arập thống nhất (UAE) sanya daong 10 triệu đôla (usd) ka bruk pasiam veik bala kayua  ribuk Ơ-ma (Irma)  di bang Florida di Mỹ./.